Hamla aur doodh pilany wali khawateen jab ramdan k rozay na rakh saken


22050 Hamla aur doodh pilany wali khawateen jab ramdan k rozay na rakh saken

Posted on April 08, 2013 | Filed under Roza

Question :
Hamla aur doodh pilany wali khawateen jab ramdan k rozay na rakh saken to inhain kia kerna chaheye? aur agar woh chawalon ki sorat mai fidiyaah daina cahahen to kitna fidyaah den?

Answer :
Hamla aur marza (doodh pilany wali) khawateen k liye yh halal nahihai k woh kisi uzar k bagair ramdan k rozay choren aur agar kisi uzar ki wajah sy inhain ramdan mai rozay chorna paren to yh donu kism ki aurtain mareez k hukam mai hain in per in dino ki qaza lazim hogi jaisa k Allah Ta'ala ny mareez k bary mai farmaya hai:

"So jo shakhs tum mai sy bimar ho ya safar mai ho to dosrey dino mai rpzon ka shumar pura kary."

Al bakra 2:184.
aur agar inka uzar yh ho k woh rozay ki wajah sy bachy ki sahet k bary mai darti hain to phir qaza k sath sath in per fidyaah bhi lazim hai, fidyaah yh hai k her rooz aiik miskeen ko gandum ya chawal ya khajor wagaira jo bhi logo ki khurak hu, woh dey di jaye. baaz aulama k baqual hamla aur marza'a per her haal mai sirf qaza hi lazim hai Qk wajoob ki daleel nahi hai aur asool yh hai k jab tak wajoob ki daleel na ho is wqt tak admi bari-uz-zamaa hai. Imam Abu HAnifa Rehmat-ul-Allah ka bhi yahi mazhab hai aur yahi mazhab qavi hai. (shiekh ebn esimeen)
Tanbeeh: Fatwa cammettie ka bhi yahi muaqaf hai. aik fatway mai you likhty hain: "Hamla aurat ko agar ramdan mai rozay rakhny ki wajah sy apny ya apny bachay k bary mai nuqsaan ka andaisha ho to woh roza na rakhe aur is k zeemay sirf qaza hogi." Mazeed likhty hain: " issi tarhan marzaa ko agar ramdan mai bachay ko doodh pilany ki wajah sy nuqsan ka andaisha hu ya rozay rakhny ki wajah sy bachay ko nuqsan pohanchany ka andaisha ho to woh bhi roza chor dey aur ramdan k baad sirf qaza dey dy."

 
 
This question is on 226 page in Fatawa For Women book; click here to goto book page.
Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com