Ghar mein Kutta rakhna


13099 Ghar mein Kutta rakhna

Posted on April 26, 2013 | Filed under Miscellaneous Nature, Mukhtalif Fatawajaat

Question :
Hamary ghar mai aik kuttiya hai. hum issy jab ghar laye thy to is wqt hum zarorat k elawah kutta rakhny k sharai hukam sy agah nahi thy. jab hum sharai hukam sy agaah huway to hum ny issy bhaga dia. lekin chonkey woh hum sy manoos hugae thi, is liye woh ghar chor ker na gae. main issy jaan sy marna bhi nahi chahti, is ka hal kia hai?

Answer :
Is mai koi shak nahi k bajuz in sorato k jin mai shariyat ny kutta palna jaiz qarar dia hai amm halaat mai kutta palna haraam, shikaar kerny ya janwaro aur kheti ki hifazat k maqasid k elawaah kisi aur maqsad k liye agar koi kutta palta hai to is k ajar sy rozana aik qeerat ki kami waqey hujati hai.
Rasool Allah (S.A.W) farmaty hain:
"jis gharany ny janwaron k hifazati kuttay aur shikari kuttay k elawah kutta pala to in k ajar sy her roz 2 qeerat sawab kam hujata hai." dosri ravayat mai kheti ki hifazat kerny waly kuttay ki ejazat bhi di gae hai."
Sahi albukhari' hadis: 5480' wa sahi muslim' hadis: (55,56)-1574.
ajar mai kami ka matlab is shakhs ka gunaahgar hona hai Qk ajar mai kami hasool gunaah k mutradif hai aur yh donu cheezain is amal ki hurmet ki daleel hain.
is moqa per kuffar ki taqleed mai kuttay palny waly tamam logo ko meri nasihet hai k kutta khabees janwar hai is ki najasat tamam hewano sy barh ker hai. Qk kuttu ki najasat 7 baar dhoaye bagair pak nahi hoti. in mai aik baar issy matti sy bhi dhoya jata hai.
yahan tak k khanjeer jis k haram huny ki Quran mai nus majod hai, najis to hai magar is ki najasat bhi is had tak nahi pohanchti. pas kutta najis aur khabees janwar hai. magar afsos k baaz log khabasato k dildadah kuffar ki taqleed mai bila zarorat kutty palty hain, inhain khilaty pilaty aur nehlaty hain, halankey kutta samander k pani sy bhi pak nahi husakta k woh najis ain hai, phir yh log kuttay palny k shouq mai bohat sara maali nuqsan bhi kerty hain, jab k Nabi (S.A.W) ny maal zaya kerny sy mana farmaya hai.
Irshad Nabvi hai:
"Allah Ta'ala ny tumhary liye 3 cheezain haram ki hain: bemaqsad guftagu, maal zaya kerna aur bakasret sawal kerna."

Sahi albukhari' hadis:1477' wa sahi muslim' hadis: 1715.

Mai kuffar k in dildadah Haraat ko nasihet kerta hoon k Woh Allah Ta'ala k Hazoor touba karen. Kutto ko gharo sy nikal den.haan agar shikar kerny, maal mavaishi palny ya khaiti bari k liye is ki zarorat hu to koi harj nahi, is liye k Nabi (S.A.W) ny iski ejazat di hai.
BAki raha ap ka yh sawal ki kuttiya ghar manos hony ki wajah sy issy chorny per amadaah nahi to jab app aap issy ghar nikal den gey aur ghar mai rehny nahi den gey to is tarha app apni zemaidari sy ouhdah baraa hujayen gey. shayed woh bahir rehny ki wajah sy ghar chor jaye aur dosrey kutto ki tarha kaliq ka ata kerdah rizq khaye piye aur bahir zindagi baser kerny lagy.
Shiekh Ibn Saleh Usaimin

 
 
This question is on 468 page in Fatawa For Women book; click here to goto book page.
Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com